Қазақ тілі, әдебиеті және қоғамдық пәндер  бірлестігі мен шет тілдер бірлестігінің ұйымдастыруымен «Тіл- тірек»  тақырыбында апталық жоспарланды. Мақсаты: оқытудың жаңа технологиялық әдіс-тәсілдерін қолданаотырып, оқушылардың жеке белсенділігін, шығармашылыққа білеттерін арттыруға, білімін дамытудағы қызығушылықтарын қалыптастыруға, патриоттық сезімдерінің қалыптасуына ықпал ету. Оқушылар үштілде тақпақ, өлең  жолдарын оқыды. Мақал-мәтелдер айтып жарысты.

Ана тілі - адам болып жаралғаннан бері жан дүниесінің айнасы, өсіп - өніп, түрлене беретін, мәңгі құламайтын бәйтерегі. Ана тілі жүректінің терең сырларын, халық тарихының барлық кезеңдерін, жанның барлық толқындарын ұрпақтан - ұрпаққа сақтап отыратын қазына. 

Өзге ұлт өкілдері арасында «Мен қазақша сөйлеймін» атты онлайн челлендж өткізіліп, әлеуметтік желілерге жарияланды. Мақсаты: Қоғамда мемлекеттік тілдің мәртебесін көтеру, қазақша сөйлесу мәдениетін арттыру, мемлекеттік тілді үйренуге қызықтыру.

Тілдер мерекесіне орай 5-9 сыныптар арасында «Тіл мәртебесі – ел мерейі» атты аудандық эссе байқауы өтті. Мақсаты: мемлекеттік тіліміздің мәртебесін көтеру. Оқушылардың шығармашылық қабілетін арттыру.